Njësitë speciale të Policisë gjermane kanë qëlluar në Bon një refugjat nga Guinea me ç’rast e kanë lënduar rëndë, raportojnë mediat gjermane.
Refugjati nga Guinea më parë në shtëpinë e azilit kishte sulmuar duke lënduar një refugjat tjetër dhe situata eskaloi kur sulmuesi me thikë në dorë kishte tentuar të ikë.
Policia siç thuhet së pari kishte negociuar me refugjatin i cili ishte barrikaduar në katin e dytë të shtëpisë ku ishin vendosur refugjatët, por situata ka eskaluar kur ai ka kërcyer nga kati i dytë dhe me thikë në dorë është munduar të ikë.
I plagosuri 23 vjeçar është dërguar në spital ndërsa rreth shtëpisë së azilit gjenden shumë policë.
