Koreja e Veriut ka rihapur kufinjtë sot për turistët e huaj dhe biznismenët, gati pesë muaj pasi i mbylli ato nga frika e përhapjes së virusit vdekjeprurës, Ebola.
Koreja e Veriut është një nga vendet më të izoluara, ndërsa gjendet disa mijëra kilometra larg epiqendrës së virusit në fjalë, më sakt Afrikës Perëndimore.
Koreja e Veriut nuk e ka të raportuar asnjë rast të infektimit me këtë virus që në vendet e tjera ka marrë jetën e 9 mijë personave.
Megjithatë, kufinjtë e shtetit komunist janë mbyllur për turistët nga tetori i vitit të kaluar nga frika se virusi do të përhapej edhe aty.
Koreja e Veriut gjithashtu ka aplikuar edhe mbajtjen në mënyrë strikte në karantinë për 21 ditë të diplomatëve dhe punonjësve të huaj, duke iu thënë që të rrinjë brenda hapësirave të ambasadave.