Michele Flornoy, pritet të udhëheq me Departamentin e Mbrojtjes

Bota

Michele Flornoy, pritet të udhëheq me Departamentin e Mbrojtjes

Më: 26 nëntor 2014 Në ora: 08:36

Michele Flournoy, flitet të jetë konkurentja kryesore për të zëvendësuar Sekretarin e Mbrojtjes Chuck Hagel, i cili dha dorëheqje ditë më parë.

Për një gjë të tillë, më 25 nëntor, fillimisht ka shkruar revista Foreign Policy, dhe më pas këtë lajm e kanë konfirmuar edhe disa burime shtetërore.

Nëse Flournoy emërohet në këtë pozitë, ajo do të jetë femra e parë që do të udhëheqë me Departamentin e Mbrojtjes në Shtetet e Bashkuara të Amerikës. Flournoy, 54 vjeçare, është zyrtarja më e lartë e Pentagonit për çështjet politike.

Ndryshe, Sekretari i mbrojtjes, Chuck Hagel, ka dhënë dorëheqje më 24 nëntor. Është raportuar se dorëheqje e tij ka ardhur pas kritikave nga kundërshtarët e qeverisë lidhur me fushatën ushtarake në Afganistan dhe operacioneve, me të cilat po sulmohen caqet e militantëve të Shtetit Islamik në Siri dhe Irak.

Sot mund të lexoni Shfletoni kopertinat