Kompania ajrore e Armenisë, Air Armenia, ka pezulluar të gjitha fluturimet deri më 20 dhjetor, për shkak të vështirësive financiare.
Air Armenia ka thënë se nuk është në gjendje të vazhdojë shërbimet e rregullta për pasagjerë, për shkak të panikut në mesin e investitorëve dhe konsumatorëve, në lidhje me një deklaratë të bërë nga shërbimi i navigimit ajror të Rusisë.
Agjencia ruse Rosaeronavigatsia ka thënë se do të ndalojë kompaninë Air Armenia të kryejë fluturime në qytetet ruse, derisa ajo nuk paguan borxhin e saj.
Air Armenia ka thënë se kjo deklaratë ka dëmtuar reputacionin e saj biznesor.
Përveç qyteteve ruse, Ai Armenia ka fluturuar në Paris, Frankfurt dhe Athinë.
