Koreja e Veriut refuzon bisedime me Seulin në këtë situatë

Azia

Koreja e Veriut refuzon bisedime me Seulin në këtë situatë

Më: 17 maj 2018 Në ora: 23:03
Kim Jong-Un

Koreja e Veriut u shpreh se nuk do të zhvillojë diskutime me Seulin në situatën aktuale, duke i cilësuar zyrtarët koreano-jugorë injorantë dhe jokompetentë.

Kjo vie një ditë pas anulimit nga Pheniani të një takimi të nivelit të lartë mes dy vendeve, njofton ATSH.

Pas disa muajsh afrimi dhe zbutjes diplomatike, Koreja e Veriut bëri një kthesë spektakolare në retorikën tradicionale, duke anuluar një takim ndërkorean dhe duke vënë në pikëpyetje takimin kokë më kokë mes Kim Jong-Un dhe presidentit amerikan Donald Trump, i planifikuar në mes të qershorit në Singapor.

Pheniani proteston në këtë formë kundër manovrave të përvitshme Max Thunder, stërvitje ushtarake që po kryhet mes Seulit dhe Uashingtonit në gadishull.

”Nëse situata shqetësuese që çoi në ndërprerjen e diskutimeve të nivelit të lartë  mes Jugut dhe Veriut nuk zgjidhet, nuk do të jetë e lehtë të ulemi ballë për ballë me regjimin aktual të Koresë së Jugut”, u shpreh sot kryenegociatori koreano-verior, Ri Son Gwon, cituar nga agjencia zyrtare e lajmeve KCNA.

Sot mund të lexoni Shfletoni kopertinat