Siri, Guta Lindore e braktisur dhe nën bombardim - Bota Sot
Siri, Guta Lindore e braktisur dhe nën bombardim

Azia

E mërkurë, 19 shtator 2018

Siri, Guta Lindore e braktisur dhe nën bombardim

Më: 8 mars 2018 Në ora: 22:55
Siri

Mjekët dhe anëtarët e ekipeve të emergjencave në zonën e rrethuar të Gutës Lindore në Siri thanë se nuk po ia dalin dot të përballen me fluksin e të plagosurve, pas një tjetër nate bombardimesh të ashpra që vranë më shumë se 90 persona.

Sulmet ajrore dhe predhat e artilerisë nuk lejuan as dërgimin e ndihmave për më shumë se 300 000 njerëz nën rrethim, ndërsa forcat e Bashar al Asad përparojnë në zonën rebele.

Raportet për përdorim armësh kimike në zonë nuk kanë të ndalur, ndërsa bilanci i përgjithshëm i viktimave prej ofensivës qeveritare që nisi më 19 Shkurt thuajse ka arritur 1 000.

Mjekët në Gutën lindore thanë se me dhjetëra njerëz u paraqitën në qendrat spitalore me probleme frymëmarrje, simptoma të ngjashme me ato që shkaktojnë armët kimike.

Komuniteti ndërkombëtar, pavarësisht kritikave verbale ndaj Sirisë dhe Rusisë, duket i dorëzuar dhe i pafuqishëm të ndalojë dhunën në Gutën Lindore, madje as ndihma nuk po mundet të çojë atje.

Karvani i OKB dhe Kryqit të kuq që duhej të hynte në enklavë të enjten u ndal për shkak të bombardimeve të ashpra. Zyrtarë të OKB-së në terren thanë se jo vetëm që nuk mundën të dërgojnë ndihmat, por forcat e Bashar al Asad, hoqën nga kamionët pajisje mjekësore dhe ilaçe.

Ushtria e Asad, me ndihmën ruse, ka mundur të ndajë më dysh Gutën Lindore dhe ka shtrënguar lakun rreth rebelëve, pavarësisht kostos së lartë në jetë civile.

Sot mund të lexoni Shfletoni kopertinat
Sondazh
test