Prodhuesi britanik McLaren, i ka të gjitha makinat e fuqishme, por kur është fjala për ato nga edicionet e limituara, duhet të jenë shumë më ekstreme.
I fundit që i përket një linje me shumë pak njësi, është i bazuar në platformën e 570S, ndërsa sipas një burimi mund të quhet 600LT. Deri më tani, e kemi parë një imazh se çfarë pamje do të ketë, ndërsa së fundmi është parë teksa testohej me shtresën për kamuflazh në Nurburgring të Gjermanisë.
Në pjesën e pasme i është vendosur një krah gjigant, teksa sistemi i nxjerrjes së gazrave është shumë i sofistikuar, me dy hapje në pjesën e sipërme.
Gjë që tregon se do të ketë shumë fuqi, si dhe të lëshojë zë të mrekullueshëm. Pritet që ta ketë motorin me 3.8-litra V8, që është i njëjtë me 570S, teksa do ta ketë edhe çmimin e njëjtë prej 180 mijë eurove. Për dallim prej modelit bazë, besohet se do të prodhojë 600 kuajfuqi dhe të jetë shumë më i shpejtë.
