Gjatë takimit italo-gjerman në Maranelo, mes kryeministrave Renci dhe Merkel, ka vend edhe për solidaritet për viktimat e tërmetit shkatërrimtar të javës së shkuar. Gjermania do të financojë rindërtimin e një shkolle, ndërsa kompania “Ferrari” që mikpriti takimin Renci-Merkel në selinë e saj, ka nxjerrë në ankand një ekzemplar të veçantë. Do të jetë makina nr.500 e “Ferrari”-t, që do të ndërtohet posaçërisht për t’u shitur në ankand, ndërsa fillimisht kompania kishte parashikuar realizimin e vetëm 499 automjeteve.
Çmimi bazë i nisjes së ankandit do të jetë 1 milion euro.
Kancelarja gjermane, Anxhela Merkel, gjatë vizitës në qendrën e “Ferrari”-t, takoi edhe pilotët Kimi Raikonen dhe Sebastian Vetel, të cilët përpara nisjes për në Monza (ku këtë fundjavë zhvillohet Çmimi i Madh i Italisë), u kanë dhuruar liderëve politikë dy pjesë ftohëse të motorrit të makinës së “Formula 1”, me të cilën në vitin 2004, Majkëll Shumaker fitoi kampionatin botëror.