Kanadaja, një hap më pranë legalizimit të marijuanës - Bota Sot
Kanadaja, një hap më pranë legalizimit të marijuanës

Amerika

E martë, 19 qershor 2018

Kanadaja, një hap më pranë legalizimit të marijuanës

Më: 8 qershor 2018 Në ora: 08:40
Me 56 vota pro, 30 kundër dhe një abstenim, Senati miratoi projektligjin që do ta kthejë Kanadanë në vendin e parë të G7-s që legalizon marijuanën.

Kanadaja kapërceu një pengesë të madhe legjislative të enjten, duke iu afruar kështu edhe më shumë ligjërimit të plotë të kanabisit “rekreativ”.

Me 56 vota pro, 30 kundër dhe një abstenim, Senati miratoi projektligjin që do ta kthejë Kanadanë në vendin e parë të G7-s që legalizon marijuanën.

Përdorimi mjekësor i saj është lejuar atje në vitin 2001. Vota e një dite më parë e rikthen draftin në Dhomën e Komunëve, ku ligjvënësve do t’u duhet të vendosin nëse i pranojnë apo jo dhjetëra amendamentet e shtuara legjislacionit nga Senati.

Kryeministri Justin Trudeau është angazhuar personalisht që ta bëjë marjiuanën të ligjshme këtë verë. Për këtë arsye, kabineti i tij ka lobuar fort, duke afruar sidomos senatorët indigjenë me premtimin se për komunitetin e tyre do të ketë më shumë fonde të shëndetit mendor dhe shërbimeve shtesë.

Kanadezëve do t’u duhet të presin edhe 12 javë përpara se projektligji të bëhet më në fund ligj, e të arrijnë ta blejnë lirshëm marijuanën. Provincat dhe territoret e vendit do të jenë vet përgjegjëse për elementë të ndryshëm të tregut të shitjes, përfshirë edhe mënyrat sesi do të bëhet shitja, apo nëse përdoruesit do të mund ta pijnë cigaren e hashashit edhe në publik.

Sot mund të lexoni Shfletoni kopertinat
Sondazh
test