Saim Tahiraj, veprimtari i hershëm i LDK-së në diasporë, ka reaguar në lidhje me iftarët që janë shtruar në sheshët e Kosovës.
Ai i sheh këto veprime mesazh politike vetvrasje politike, përcjell “Bota sot”.
Tahirja iu drejtohet institucioneve duke u shprehur që ku janë ato në këto raste ku po bëhen këto mesazhe dhe veprime në dëm të vendit tonë.
Nëse vërtetë vazhdojmë kështu, armiqët tanë shekullorë e kanë fituar luftën pa asnjë krismë, shkruan tutje Tahiraj.
Postimi i plotë
Çfarë janë këto skena në sheshët e Kosovës? Cili është mesazhi politik që po dergojnë te miqët tanë,që na ndihmuan të çlirohemi, të formojmë dhe ndertojmë shtet? Kjo nuk ka lidhje me fe por veprim i pastër i islamit politik! A jemi të vetëdishëm se me veprime të tilla politike jemi duke bërë vetvrasje kombëtare? Jemi duke shkatrruar temelet e shtetit tonë që me aq mundë dhe sakrificë e ndertuan! Jemi duke i humbur miqët tanë tradicional që na ndihmuan të fitojmë lirin dhe ta ndertojmë shtetin tonë! Ku është arsimi jonë? Në cilën shkallë të ult ka rënë, kur mësuesi shtron iftarë politik për nxënësit e tij? Kur dje, në shkollat tona mësuam me mburrje dhe krenari se 95% ishim dhe jemi shqiptarë, ndërsa sot mësojnë dhe me mburrje deklarojnë se 95% jemi musliman! Ku është sot vetëdia jonë kombëtare? Ajo po shëndrrohet në vetëdie fetare politike fatkeqësisht, me vetëdie apo pa vetëdie! Jemi duke rrëshqitur në rrugtimin e vetvrasjes kombëtare. Ku janë intelektualët shqiptarë, ku është arsimi, ku është shoqëria civile, ku janë institucionet e shtetit? Pse nuk veprojnë sa nuk do të shkatrrohemi përfundimisht? Athua mos vallë janë pajtuar të gjithë dhe presin përfundimin e kobshëm?!.... Nese vërtet vazhdojmë kështu, armiqët tanë shekullorë e kan fituar luftën pa asnjë krismë! Kjo nuk është kultura dhe tradita jonë kombëtare, as e Islamit tradicional shqiptarë! Kjo është kultura dhe tradita e armiqëve tanë që po përpiqen ta zavndësojnë me tonën! Ahh sa ka nevojë populli ynë për një Rilindje Kombëtare, si në kohën e rilindasëve tanë se "FEJA E SHQIPTARIT ËSHTË SHQIPTARIA". Vetëm kjo na shpëton nga zhbërja si komb dhe shtet!
