Migjen Basha i është bashkuar Comos në stërvitje. Mediat italiane botuan foto e para të mesfushorit shqiptar me ekipin e ri. Basha iu bashkua skuadrës së Serie B në formë huazimi deri në fund të sezonit.
Sot në mëngjes ai është konfirmuar si afrim edhe nga Como, pas zyrtarizmit të djeshëm nga Luzerni, që zotëron kartonin e lojtarit.
Migjen Basha dëshiron të aktivizohet më shumë, për të mos humbur vendin në Kombëtare, që këtë verë do të debutojë në Kampionatin Evropian.
29-vjeçari e njeh mentalitetin e futbollit italian ku ka luajtur me disa ekipe, përfshi ato të Serisë A, ku deri sezonin e kaluar ishte pjesë e Torinos.
