Kukësi është në kërkim të trofeut të parë në historinë e klubit teksa të premten ka mundësinë për të triumfuar në finalen e dytë radhazi në Kupën e Shqipërisë. Dështimi në finalen e kaluar ndaj Flamurtarit i hoqi mundësinë verilindorëve të kurorëzonin ëndrrën, për të cuar në qytetin e vogël trofeun e oarë të madh.
Megjithatë në skuadër nënkampionët e vendit kanë futbollistë që në të shkuarën kanë triumfuar në kompeticionin e dytë të rëndësishëm në vend. Plotë 5 futbollistë e kanë fituar në të shkuarën këtë trofe, të ndarë në kohë dhe në skuadra të ndryshme.
Kapiteni Rrahman Hallaci, sulmuesi Pero Pejiq dhe zv. trajneri Ivan Gvozdenoviq kanë qenë pjesë e Tiranës që në 22 majin e vitit 2011 triumfoi në finalen ndaj Dinamos të luajtur në Niko Dovana. Pejiq dhe Gvozdenoviq ishin pjesë e formacionit dhe luajtën për 120 minuta të plota, ndërsa Hallaci nuk arriti të fitonte konkurrencën për një vend në krah të mbrojtjes.
