Shqiptari Eroll Zejnullahu me skuadrën e tij, Union Berlini, ia dolën që të ndalin një pikë (2:2) shumë të rëndësishme në ballafaqim me kryesuesin e renditjes, Ingolstadt. Futbollisti Zejnullahu u inkuadrua në lojë në minutën e 68-të, duke dhënë kontributin e tij në këtë pikë të vlefshme. Mysafirët mezi nxorën një pikë nga ekipi nga Berlinit, i cili renditet në vend të dhjetë me 38 pikë, kurse Ingolstad i pari me 59 pikë pas 30 javëve në Bundesliga II.
