Bayerni tash mendon thellë për super sfidën me Barcelonën. Një ndeshje e fortë dhe që vështirë është të parashikohet se cila do të avancojë tutje. Futbollisti më përvojë i Bayernit, Philipp Lahm, ka thënë se do të ndeshen me një skuadër të fortë dhe që është më e mira. “Për momentin, duket se Barcelona është ekipi më i mirë. Ata kanë lojtarë të mëdhenj që kanë shkëlqyer. Ata pësojnë shumë pak gola dhe shënojnë shumë gola. Por, kur e arrini gjysmëfinalen, ju dëshironi edhe finalen. Përvoja jonë na ka mësuar se nuk do jetë lehtë. Ne kemi histori ndaj Barcelonës. Shpresojmë që ta përsëritim”, ka thënë Lahm.