Barcelona i është afruar për dy pikë Real Madridit dhe tani edhe më e nxehtë është bërë lufta për titullin e kampionit në Spanjë. Real Madridi zhgënjeu shikuesit në Santiago Bernabeu duke barazuar 1:1 me Villarealin, këtë dështim të tyre e shfrytëzoi rivali i përbetuar dhe i përjetshëm i tyre, Barcelona, e cila të shtunën si mysafir e mundi me 3:1 Granadën. Barcelona është në vend të dytë me 59 pikë dhe ka dy më pak se Real Madridi.
Pepe e ka justifikuar barazimin me Villarealin. “E kërkuam fitoren, por Villareal u mbrojt shumë mirë. Ne luajtëm me krosime nga krahët, pasi në mes ishte praktikisht e pamundur që të depërtonim. Pësuam gol nga kundërsulmi, pra ky është futbolli. Jemi ende në krye dhe duhet të vazhdojmë të punojmë deri në fund të sezonit”, thotë Pepe.
