Kampioni italian, Juventusi, pa dyshim se është në telashe, për faktin se do të ketë mungesën e futbollistit më përvojë në derbin e madh që luhet të hënën (me 2 mars, në orën 20.45) në stadiumin ‘Olimpico’, kundër Romës. Pirlo pritet të kthehet në fushën e blertë në takimin e kthimit të Champions League në përballje me Dortmundin. Lajmin për mungesën e Pirlos në derbi me Romën e ka konfirmuar edhe trajneri i Juves, Masimiliano Allegri. “Ndeshjen me Romën e ka humbur, por shpresojmë që ta kemi për duelin e kthimit në Champions”, tha Allegri. Pirlo deri më tash (nga viti 2011) ka luajtur 114 ndeshje për Juventusin dhe realizoi 15 gola.
