Leverkuseni mahniti me lojë të gjithë. Askush nuk e ka pritur se do të ketë më shumë në zotërim topin dhe të jetë aq i fortë për kampionin spanjoll, Atletico Madridi. Futbollisti i Atleticos, Gabi, beson se në ndeshjen e kthimit do të ia dalin që të përmbysin epërsinë e rivalit dhe të shkojnë në çerekfinalen e Champions League.
“Është një ndeshje shumë, shumë e komplikuar për ne. Leverkusen luajti ndeshje me intensitet të madh dhe me shpejtësi të jashtëzakonshme.'Ata shënuan vetëm një gol, duke pasur parasysh se ishim me një futbollist më pak dhe rezultati 1:0 ishte i mirë për ne. Kemi edhe ndeshjen e dytë dhe do përpiqemi ta kthejmë rezultatin”, ka thënë Gabi.