Enkelejd Alibeaj ka kërkuar nga Komisioni Qendor i Zgjedhjeve që në fletën e votimit për zgjedhjet e 14 majit të shkruhet Ilir Meta dhe jo inicialet e koalicionit “Bashkë Fitojmë”.
Kërkesa është dërguar në Komisionin e Ankimimit dhe Sanksioneve, e cila do shqyrtojë kërkesën.
Në rast se ankimimi i Alibeajt pranohet, vendimi do apelohet në Kolegjin Zgjedhor nga koalicioni “Bashkë Fitojmë”.
Ndërkohë nëse KAS e rrëzon kërkesën, pritet që të jetë Alibeaj ai që do të ankimojë.
KQZ vendosi që në fletën e votimit të mos ishte as emri i Ilir Metës dhe Sali Berishës por vetëm emri i koalicionit “Bashkë Fitojmë”.
“Nuk ka patur interes për të vendosur emrin në fletën e votimit, do të jete emri i asnjë prej kryetarëve”, tha Celibashi në lidhje me këtë çështje.
