Detaje të tjera tronditëse kanë dalë në dritë nga ngjarja e rëndë në Shkodër. Gazetari Simon Shkreli raporton se dyshohet që nëna Alma Arrazi është hedhur bashkë me tre fëmijët nga ura e lumit Buna.
Ajo ka pirë një kafe me kunatën e saj dhe më pas ka ndërmarrë aktin ekstrem.
Policia ka marrë në pyetje familjarë të Almës dhe bashkëshortit të saj, Ergys Arrazi, i arrestuar nën akuzën se ushtruar dhunë ndaj tyre dhe çuar drejt vetëvrasjes. Kunata ka rrëfyer në polici edhe dhunën sistematike që ushtronte 31 vjeçari ndaj gruas.
“39 vjeçarja ka pirë kafe në shëtitoren në hyrje të Shkodrës dhe pasi secila ka qenë në rrugë të vet, ka shkuar dhe hedhur në ujërat e lumit Buna, nga ura e vjetër e Bunës. Policia disponon edhe pamjet ku dy kunatat kanë pirë kafe me tre fëmijët. Plicia ka marrë në pyetje familjarë të të dyja palëve. Ka qenë kunata që ka treguar se Ergys Arrazi ka ushtruar dhunë sistematike ndaj bashkëshortes. Siç duket pas denoncimit në polici të 31 vjeçarit se bashkëshortja është larguar nga banesa me tre fëmijët, është gjetur trupi i vajzës së madhe 9 vjeçare, grupi hetimor ka marrë në pyetje familjarët dhe kunata e 39 vjeçares ka raportuar se ka pasur dhunë sistematike. Nuk ka rekorde për dhunë në familje të denoncuara nga 39 vjeçarja”, raportoi gazetari.
