Albano Velo dhe Andrew Bode, të cilët dyshohet se kanë ekzekutuar Edmond Papën, në zonën e Selitës në Tiranë, kanë pasur miqësi të hershme me njëri-tjetrin.
Velo dhe Bode kanë foto sëbashku në rrjetet sociale, në të cilat duken edhe duke ngrënë dreka dhe darka.
Albano Velo u arrestua nga policia në Rinas më 31 dhjetor, pasi po kthehej nga Franca, ku ishte larguar vetëm 4 ditë pas atentatit në një lokal në Tiranë.
Edhe pse ky i fundit i ka mohuar akuzat, është lënë në burg, pasi duket se kamerat e sigurisë e kanë nxjerrë zbuluar teksa vëzhgonte dhe ndiqte Papën.
Ndërkohë në kërkim është shpallur bashkëpunëtori i tij, Andrew Bode, 44-vjeç. Ky i fundit rezulton se është pronar i një biznesi në Korçë.
Sipas informacioneve, të dy ata janë miq të afërt të 27-vjeçarit Aleksandër Sadikaj, i cili u ekzekutua në afërsi të rrethrrotullimit të TEG-ut, pasi makina e tij shpërtheu në flakë nga tritoli që i ishte vendosur.
Shkak për vrasjen e Sadikajt por edhe të Papës, janë bërë prishja e pazareve të drogës.
