Ditën e sotme në një vizitë zyrtare, i dërguari i posaçëm amerikan për Ballkanin Perëndimor, Gabriel Escobar ka zhvilluar takime me kreun e PD-së, Lulzim Bashën, kryeministrin Edi Rama dhe ministren Olta Xhaçka por jo me presidentin Meta.
Sipas analistit Ben Andoni kjo vjen si pasojë e lojës së keqe që Meta bën me faktorin amerikan.
Takim me Ministren Xhaçka dhe Kryeministrin Rama, por jo me Presidentin. Pse është lënë jashtë agjende sipas jush?
Andoni: Ishte e pritshme sepse Meta ka kohë që luan keq me faktorin amerikan. SHBA ka një ligj të posaçëm për përdorimin apo përdhosjen e simboleve të tyre. Meta ka marrë një kritikë të madhe për sa i përket flamurit. Nga ana tjetër mënyra si u vu në protokoll tregon se SHBA ka vendosur një cak.
