Presidenti Ilir Meta ka shfrytëzuar Ditën Globale të Zgjedhjeve për të apeluar qytetarët shqiptarë të marrin pjesë në zgjedhje.
Meta e quan 25 prillin referendum historik.
Sipas tij, të rinjtë e presin me padurim ndryshimin.
“Me rastin e Ditës Globale të Zgjedhjeve, u bëj thirrje të gjithë të rinjve dhe shqiptarëve, të marrin pjesë në referendumin historik të 25 prillit 2021.
Vota është fuqia e vërtetë e çdo qytetari, sidomos e të rinjve, që kërkojnë dhe mezi presin ndryshimin e madh.
Pjesëmarrja në zgjedhje, është një mision patriotik. Askush nuk duhet të mungojë!
I garantoj të gjithë shqiptarët se jam i vendosur dhe i angazhuar për të mos lejuar askënd të prekë votën e tyre”, shkruan Meta në Facebook.
