Përdorimi i inteligjencës artificiale në depistimin e kancerit të gjirit është i sigurt dhe pothuajse mund të përgjysmojë ngarkesën e punës së radiologëve, sipas studimit më gjithëpërfshirës në botë të këtij lloji
Kanceri i gjirit është kanceri më i përhapur globalisht, sipas Organizatës Botërore të Shëndetësisë; më shumë se 2.3 milionë gra e zhvillojnë këtë sëmundje çdo vit.
Depistimi mund të përmirësojë prognozën dhe të zvogëlojë vdekshmërinë duke dalluar kancerin e gjirit në një fazë më të hershme dhe më të trajtueshme.
Rezultatet paraprake nga një studim i madh sugjerojnë se ekzaminimi i inteligjencës artificiale është po aq i mirë sa dy radiologë që punojnë së bashku, nuk rrit rezultatet false dhe pothuajse përgjysmon ngarkesën e punës.
Rezultatet e analizës së përkohshme të studimit, i cili përfshiu më shumë se 80,000 gra, u botuan në revistën Lancet Oncology.
Studimi është vlerësuar nga ekspertët si shumë pozitiv dhe ata janë të mendimit se inteligjenca artificiale mund të ndihmojë në përshpejtimin e diagnostikimit te gratë për ta zbuluar kancerin në një fazë të hershme dhe për të shpëtuar më shumë jetë.
