Dokumentari i ri “Harry & Meghan” solli dukën dhe dukeshën e Sussex ashtu siç kurrë nuk i kemi parë, me sfidat, lotët dhe rrëfimet e tyre.
Në një episod të serialit, Harry shprehu mendimin e tij se Meghan abortoi për shkak të stresit që po përjetonte gjatë periudhës kur po zhvillonin gjyqin kundrejt “Mail on Sunday” dhe “Mail Online”.
E, sipas ekspertëve, stresi ndikon në abort, por nuk është i vetmi shkak pse ndodh një fenomen i tillë.
Shumica e aborteve ndodhin në fazën e hershme të shtatzënisë, duke u shkaktuar nga anomalitë e rëndomta në kromozone, çka sjellin probleme me ADN-në e fetusit. Kjo do të thotë se fetusi nuk zhvillohet normalisht.
Pas 3 muajve, një numër më i madh faktorësh, duke përfshirë edhe infeksionet, apo moshën e nënës, ndikojnë në abort. Gjithsesi, ka një lidhje mes abortit dhe stresit të vazhdueshëm, por kjo ndikohet edhe nga stili i jetesës së nënës, abuzimi me substancat ose dietën, si dhe mungesa e gjumit.
“Ajo që nuk duam të bëjmë, është të frikësojmë gratë në mënyrë të panevojshme, për faktin që shkojnë në punë, apo kryejnë aktivitete stresuese. Ka ekzistuar gjithnjë një koncept i padobishëm mes stresit dhe abortit”, shtoi mjekja Ellie Cannon.
Ajo theksoi se ka një empati të lartë ndaj çifteve dhe grave që kanë vuajtur abortin, por nënvizon se është e rëndësishme që të kuptohet se stresi nuk është shkaku i vetëm. Ajo beson se duke ditur këtë, gratë do të zvogëlojnë edhe ndjesinë e fajit dhe të ankthit gjatë periudhës së shtatzënisë.
Pra, stresi, i cili është normal gjatë shtatzënisë, mund të bëhet kërcënues kur kombinohet me faktorët e tjerë.
Në fakt, këtë tha edhe Harry kur ndau këndvështrimin e tij mbi shkaqet e abortit të bashkëshortes.
“Unë besoj se gruaja ime pësoi një abort për shkak të çfarë bëri The Mail. E pashë të gjithë. Tani, a e dimë absolutisht se aborti u shkaktua nga kjo – sigurisht që nuk e dimë”, tha ai. “Por duke pasur parasysh stresin që shkaktoi, mungesën e gjumit dhe kohën e shtatzënisë, mund të them nga ajo që pashë, se aborti u krijua nga çfarë ata po përpiqeshin t’i bënin asaj”, u shpreh Harry, duke theksuar edhe faktorët e tjerë përpos stresit.
Por, ç’ndodh pas abortit?
“Pas abortit, shumë njerëz pyesin veten se çfarë e shkaktoi dhe pse ndodhi”, thotë Ruth Bender Atik, eksperte në “Miscarriage Association”.
“Në këtë rast, ne kërkojmë shpjegim nga vetja, se çfarë bëmë dhe çfarë jo – dhe stresi është një prej faktorëve”, shtoi ajo.
Gjithashtu, edhe ekspertja Amina Hatia u shpreh se gratë që kanë përjetuar abortin, ndihen në faj për hapat që ndërmorën ose jo, por shton se ne kemi shumë pak kontroll mbi situatat stresuese në jetën tonë dhe gjatë shtatzënisë, është normale të përjetosh ankth dhe stres.
Aborti përjetohet si një humbje e madhe dhe zhgënjyese, ndaj edhe princi i tregoi ndjesitë e tij pas ngjarjes:
“Unë u ula në dysheme me Archie-n në krahë, duke dëgjuar një ninullë për të na qetësuar të dyve, por melodia e gëzuar ishte një kontrast i fortë me ndjesinë time se diçka nuk shkonte", tha ai.
Gjithsesi, çifti mbretëror, janë prindër të dy fëmijëve, Archie dhe Lilibet.
