Në vitin 2018, Serbia ishte e gatshme të lëshonte Kosovën në këmbim të enklavës veriore të populluar nga serbët dhe anëtarësimit përfundimtar në Bashkimin Evropian. Por, ishte Gjermania ajo, e cila kishte vendosur veton kundër ndarjes së Kosovës. Kështu ka deklaruar ish-diplomati britanik në Bosnje e Hercegovinë Timothy Less, në një intervistë për gazetën “Bota sot”.
Less ka thënë se presidenti serb Aleksandar Vuçiq edhe tani është i gatshëm ta njoh Kosovën, pasi ai e di se ajo është e humbur për serbët.
“Mendoj se Vuçiq dhe të tjerët në udhëheqjen serbe janë të gatshëm ta njohin Kosovën, sepse ata mund të shohin se ajo është e humbur për Serbinë. Sidoqoftë, ata po mbajnë çmimin më të mirë të mundshëm para se të pranojnë pavarësinë e Kosovës, konceptimi i Serbisë për atë që ishte luhatur në të kaluarën. Ndoshta, përsëri në vitin 2018, Serbia ishte e gatshme të lëshonte Kosovën në këmbim të enklavës veriore të populluar nga serbët dhe anëtarësimit përfundimtar në BE. Sidoqoftë, Gjermania vuri veton ndaj ndarjes dhe Franca dhe të tjerët në mënyrë efektive i kanë dhënë fund procesit të zgjerimit të BE-së, kështu që këto nuk janë më shpërblime të mundshme”, ka deklaruar udhëheqësi i projektit “Studimet e Shpërbërjes” të Qendrës për Gjeopolitikë dhe Strategji në Universitetin e Cambridge.
Sipas ish-diplomatit, Serbia mund ta njohë Kosovën, në këmbim të shkëmbim të territorit me Republika Srpska,. Mirëpo, ai ka thënë se një ide e tillë kundërshtohet nga boshnjakët dhe nga Administrata e Joe Bidenit.
“Në vend të kësaj, unë mendoj, se strategjia themelore e Serbisë tani është të kërkojë një shkëmbim toke midis Kosovës dhe Republika Srpska, e cila do të kënaqte dëshirën e serbëve për bashkim kombëtar dhe të cilën udhëheqja ndoshta mund t'ia shiste popullit serb në këmbim të humbjes së Kosovës. Sidoqoftë, nuk ka asnjë perspektivë të afërt për këtë. Boshnjakët qartë kundërshtojnë çdo ide të tillë dhe Administrata e Bidenit nuk do ta mbështesë atë. Kjo do të thotë që çdo zgjidhje e çështjes së statusit të Kosovës ndoshta do të mbetet në pritje të një kohe deri kur Shtetet e Bashkuara bien dakord për shpërbërjen e Bosnjës”, ka thënë Timothy Less për “Bota sot”./BS
