Gjatë qëndrimit të tij në shtëpinë e “Big Brother VIP”, Luiz Ejlli hapi llogarinë e tij në “Instagram”, i cili menaxhohej nga mikesha e tij Jurgena. Profili arriti të kapte mbi 600 mijë ndjekës por më pas u mbyll.
Më pas, Kiara Tito vendosi të hapë një llogari të dytë të Luizit pak ditë para finales së madhe, e cila qëndroi nën menaxhimin e saj deri pas daljes së ish-banorit nga shtëpia.
Edhe kjo llogari arriti të kapte në një periudhë shumë të shkurtër kohore rreth 500 mijë ndjekës.
Mirëpo ditën e sotme, profili i fituesit të edicionit të dytë të BB VIP nuk figuron më në “Instagram”, duke lënë të kuptohet se llogaria e këngëtarit është mbyllur.
