Në organizim të "Shoqatës për edukim, komunikim dhe konsultim OHO", ndërkaq në bashkëpunim me Ministrinë e Arsimit dhe Shkencës, sot në Shkup do të mbahet Eko-samiti i gjashtë.
Eko-samiti është pjesë e programit Integrimi i edukimit ekologjik në sistemin arsimor të Maqedonisë.
Në suaza të samitit do të ndahen çmime për institucionet arsimore, të cilat kanë arritur standarde të larta në implementimin e programeve ekologjike për edukim dhe menaxhim me institucionet në kuadër të programit "Si të bëhet eko-shkollë" për vitin mësimor 2013/2014.
Do të ndahet edhe çmimi "Flamuri i gjelbër" si arritje më e lartë e programit dhe mirënjohje për nivel të bronztë dhe të argjendtë, të cilat paraqesin certifikatë ndërkombëtare për përmbushjen e eko standardeve në punën e shkollave dhe kopshteve.
