Presidenti Gjorgje Ivanov dhe kryetari i Kuvendit të madh kombëtar të Turqisë Xhemil Çiçek në takimin e sotëm kanë shprehur kënaqësinë nga marrëdhëniet e shkëlqyera dhe trendit të rritur të bashkëpunimit mes Republikës së Maqedonisë dhe Republikës së Turqisë në të gjitha nivelet.
Duke e përshëndetur bashkëpunimin e deritashëm parlamentar, presidenti Ivanov shfaqi shpresë se edhe gjatë periudhës së ardhshme të bashkëpunimit parlamentar do të jep kontributin e vet në përforcimin e mëtejshëm të marrëdhënieve dhe në pasurimin e bashkëpunimit.
Siç kumtoi Kabineti i presidentit, Ivanov ka shprehur falenderim për mbështetjen principele të Turqisë për anëtarësim të Maqedonisë në NATO.
"Lartë e vlerësojmë faktin që Republika e Turqisë është mbështetës i zëshëm dhe për vite të tëra si dhe promotor i qëllimeve strategjike të Republikës së Maqedonisë", tha presidenti Ivanov në takim.
Të dy bashkëbiseduesit përshëndetën bashkëpumimin ekonomik i cili shënon rritje, me shpresë të intensifikimit të tij. Në takim është biseduar edhe për intensifikimin e bashkëpunimit në sferën e mbrojtjes dhe sigurisë, kulturës, arsimit, si dhe të planit multilateral.
Presidenti Ivanov shfaqi pritje për përforcmin e bashkëpunimit në kuadër të Aleancës së civilizimeve, duke pasur parasysh se Turqia është njëra nga themeluesit e kësaj iniciative në Kombet e Bashkuara.
Kryetari i Kuvendit të madh kombëtar Çiçek theksoi se Maqedonia është partner i rëndësishëm i Turqisë dhe se, si dhe deri më tani, Maqedonia mund të llogarit në mbështetjen nga Ankaraja.
Në takim janë këmbyer mendime dhe informata edhe për gjendjen në rajon.
