Ekziston një faktor që na e vështirëson gjumin dhe nuk janë orët që kalojmë në celular e rrjete sociale, por mendimet që kemi para se të shtrihemi për të fjetur.
Këto mendime na pengojnë të bëjmë një gjumë të qetë, sepse e mbajnë trurin vigjilent, edhe në shtrat, kur gjithçka përreth është e errësirë dhe e qetësi.
Vëmendja jonë tërhiqet vazhdimisht nga një koment që mund të kemi bërë ose që të tjerët mund të kenë bërë për ne.
Për një lëvizje të gabuar në punë, për një sherr që mund të kemi pasur. Në diçka që nuk shkoi siç do të donim. Shkencëtarët i quajnë këto mendime negative “mbizotëruese”, sepse ato janë kaq të forta dhe ndjehen kaq fort.
Si të flini më mirë dhe të ndaloni këto mendime
E vërteta është se nuk ka asnjë çelës magjik që do ta ndalojë trurin tonë të mendojë negativisht.
Është detyra e trurit të përpunojë të dhënat për të krijuar kujtime të reja nga përvojat tona. Por brenda këtyre të dhënave ka edhe gjëra që na shqetësojnë.
Psikologu, Aric A. Prather, sugjeron dy mënyra për të ndaluar këto mendime para gjumit.
Së pari, merrni 15 minuta kohë gjatë ditës (ose drekë ose pasdite vonë) vetëm për veten tuaj.
“Kjo është koha e shqetësimit tuaj emocional”, thotë eksperti. ” Sigurohuni që askush dhe asgjë nuk mund t’ju shpërqendrojë. Disa njerëz me të cilët punoj mbyllen në banjë për ta bërë atë. Të tjerët dalin për shëtitje”.
Nëse jeni të shqetësuar për diçka gjatë ditës, eksperti sugjeron të prisni deri në “orën tjetër të shqetësimit”.
“Thuaji vetes: “Shiko, thjesht duhet ta shtyj këtë deri në momentin tjetër emocional të shqetësimit” dhe bëj të njëjtën gjë nëse ky mendim vjen para gjumit.
Ndërsa sa shpesh duhet ta aplikoni, psikologu sugjeron ta provoni dy deri në tre herë në javë, derisa mendimet që ju pushtojnë natën të mos ju pengojnë më gjumin e qetë.
Së dyti, në një copë letër krijoni dy kolona: njëra do të quhet ” problem “, tjetra ” zgjidhje “. Në të parën shkruani problemet me të cilat po përballeni. Përqendrohuni më shumë në gjërat që janë më të vështira për ju dhe ka të ngjarë të mendoni gjatë natës.
Në listën e dytë, shkruani hapat që duhet të ndërmerrni për të zgjidhur problemet tuaja. “Vetëm mos harroni se në listën e zgjidhjeve shënoni hapat e parë që duhet të bëni dhe jo të gjithë zgjidhjen ”, thekson profesori i psikologjisë.
Më pas paloseni letrën dhe lëreni në tryezën tuaj ose pranë shtratit tuaj. Mendoni se keni një plan veprimi dhe do të qetësoheni: “Disa nga pacientët e mi mund të prekin letrën dhe të qetësohen. Mund t’ju tingëllojë budallallëk, por fakti që tashmë i keni kushtuar energji zgjidhjes së problemeve ose përballjes me to, mund t’ju çlirojë mendjen dhe ta lërë të qetësohet”.
