Nga 458 persona që kanë kërkuar azil në Kosovë, gjatë këtij viti, shumë nga ta vijnë nga zonat e luftës.
Por, qëllim i tyre nuk është të qëndrojnë në Kosovë, por ta përdorin atë si transit për të arritur në vendet e Evropës perëndimore.Lufta në Siri dhe kushtet e këqija për të jetuar, kanë bërë që 27 sirianë të kërkojnë azil në Kosovë.
Ata thonë se Kosovën nuk e shohin si vend në të cilin duan të jetojnë. Dëshira e tyre është që jetën e tyre ta bëjnë në njërën nga vendet e Bashkimit Evropian.
Kosovën ata e shohin vetëm si vend transit për të kaluar në njërin nga vendet e Evropës Perëndimore.
