Prokuroria serbe dorëzon raportin e kërkuar nga Kosova rreth vrasjes së Ivanoviqit - Bota Sot
Prokuroria serbe dorëzon raportin e kërkuar nga Kosova rreth vrasjes së Ivanoviqit

Lajme

E hënë, 21 maj 2018

Prokuroria serbe dorëzon raportin e kërkuar nga Kosova rreth vrasjes së Ivanoviqit

Më: 14 shkurt 2018 Në ora: 10:53
Oliver Ivanoviq

Prokuroria për Krim të Organizuar e Serbisë, sipas mediumit serb, ia ka dorëzuar Ministrisë serbe të Drejtësisë raportin e kërkuar nga Kosova (në lidhje me vrasjen e Oliver Ivanoviqit – plotësim i yni(. Dorëzimi i raportit është bërë në përputhje me Marrëveshjen mbi Ndihmën e ndërsjellë juridike. Bëhet e ditur se po sipas kësaj kërkese, nesër do të dorëzohen dokumente shtesë.

Bëhet fjalë për të dhënat dhe njoftimet që do t’i përcillen Zyrës së përfaqësuesit special të BE në Kosovë, i cili do t’ia dorëzojë prokurorisë së atjeshme (të Kosovës – sqarim i yni), shkruan sot media serbe.

“Të gjitha të dhënat që grumbullohen Ministria e Punëve të Brendshme (bëhet fjalë për MUP-in e Serbisë, sqarim i yni) dhe organet e tjera në vazhdimësi do t’i dërgohen Zyrës së përfaqësuesit special të BE në Prishtinë”, thekson Prokuroria.

Po ashtu, theksohet se presin që përveç të dhënave që kanë marrë deri tash, do t’u dërgohen edhe të dhënat e tjera të grumbulluara gjatë hetimit të zhvilluar nga Prokuroria në Mitrovicë.

Ministri i Drejtësisë i Kosovës, Abelard Tahiri, ka deklaruar më herët se Ministria e Drejtësisë e Kosovës ia ka dërguar katër kërkesa Qeverisë së Serbisë në lidhje me vrasjen e Oliver Ivanoviqit, por deri më tash nuk ka arritur asnjë përgjigje.

Komentet
comments powered by Disqus
Sot mund të lexoni Shfletoni kopertinat
Sondazh
test