Gjykata Themelore në Ferizaj ka dënuar me 7 vite burgim, biznesmenin nga Peja, Fatos Rizvanolli, që financoi terroristët kosovarë që niseshin për luftime në Siri e Irak.
Rizvanollit kjo gjykatë ia shqiptoi shtatë vjet burg për rekrutim në terrorizëm
Rizvanolli nga gjykata u lirua për tri pika të aktakuzës që lidheshin me organizim të grupeve terroriste.
Prokuroria e ka akuzuar Rizvanollin për blerjen e së paku tri biletave atyre që shkonin në luftën e Sirisë për t’iu bashkuar ISIS-it.
Rizvanolli ishte arrestuar nga Policia e Kosovës më 16 mars të këtij viti.
Gjykata, në vendimin që shpalli të premten, pronarit të “Renta car Tosi”,i ka konfiskuar atij edhe veturat të cilat sipas aktgjykimit i përdoren disa nga terroristët nga Kosova, gjatë organizimit të veprimtarisë së tyre.
Gjykata thotë se ka dëshmuar se ato vetura i ka përdorur edhe Lavdrim Muhaxhiri derisa ka qëndruar në Kosovë.
Në seancën e 11 tetorit, kur iu lexua aktakuza, Rizvanolli ishte deklaruar i pafajshëm për akuzën me të cilat ngarkohej, dhe thoshte se nuk e mbështet ISIS-in.