Analisti politik, Nehat Hyseni potencon se, dilemat e paraqitura kohëve të fundit në Kuvendin e Kosovës, kryesisht nga partitë opozitare, Lëvizja VV, AAK dhe Nisma, janë artificiale dhe paraqesin retorikë demagogjike që mbështet në "patriotizmin patetik".
Sipas tij, kjo rrugë e zgjedhur prej këtyre tri partive, të cilat së bashku kanë gjithsej 32 deputetë dhe nuk arrijnë së bashku të kenë as sa njëra parti e koalicionit qeverisës.
“Rruga e luftës politike e zgjedhur prej tyre bazohet në popullizëm ekstrem dhe pretendon ta manipuloj skenën politike me tema "të nxehta" (kuazi) patriotike, siç ishte rasti i shkarkimit të Jabllanoviçit dhe kinse mbrojtja Trepçës. Kurse, tani atyre u ka mbetur Gjykata Speciale, kundër të cilës ata i kanë orientuar shigjetat politike të tyre. Gjithsesi, duke llogaritur edhe në votat e deputetëve të koalicionit qeverisës, kryesisht nga radhët e PDK-së, që supozohet se do të goditen nga formimi i Gjykatës Speciale, thotë Hyseni për gazetën “Bota sot”.
(Tekstin e plotë mund ta lexoni të premtën në publikimin e shtypur të gazetës kombëtare “Bota sot” në Kosovë dhe diasporë)
