Lidhja Demokratike e Kosovës vazhdon të zotohet se me asnjë çmim nuk do të pranojë të hyjnë në bashkëqeverisje me Partinë Demokratike të Kosovës, madje as që të takohen me zyrtarët e kësaj partie.
Por këtë qëndrim karshi PDK-së, e ka zbutur nënkryetarja e LDK-së Teuta Sahaqija, e ndihmuar edhe nga deputetja e kësaj partie, Lirije Kajtazi.
Në një foto të postuar në Facebook, deputetët e LDK-së, Teuta Sahatqija dhe Lirije Kajtazi shihen duke festuar me deputetët e PDK-së, Xhevahire Izmaku dhe Sala Berisha-Shala.
Fotot janë përcjell me mbishkrimin ‘Ne mundemi bashkë’.
Si duket gratë e të dyja partive e kanë marrë përsipër misionin e bashkimit të PDK-së dhe LDK-së në bashkëqeverisje.
