Në pikëkalimin kufitar në Merdare nga Policia e Kosovës, OSBE-ja dhe Forumi për Iniciativë Qytetare (FIQ) kanë lansuar sot fushatën vetëdijesuese për pjesëmarrësit në komunikacion rrugor, me qëllim të respektimit të rregullave në komunikacion dhe parandalimin e aksidenteve rrugore e emëruar “Rrugë të mbarë dhe të sigurt gjatë pushimeve”.
Kjo fushatë u referohet kryesisht bashkatdhetarëve tanë, të cilët pritet të vizitojnë Kosovën, dhe në vete ngërthen shpërndarjen e fletushkave me karakter informues për pjesëmarrësit në komunikacionin rrugor.
Në hapjen zyrtare të fushatës drejtori i Departamentit të Operacioneve nga Policia e Kosovës, RashitQalaj, tha se kjo fushatë ka për qëllim vetëdijesimin e qytetarëve lidhur me rregullat e komunikacionit rrugor si dhe ruajtjen dhe shpëtimin e jetës së qyteteve, duke parandaluar aksidentet në komunikacion.
CarstenTëelmeir, zëvendësdrejtor i OSBE-së, duke iu referuar mesazhit të kampanjës “Rrugë të mbarë dhe të sigurt gjatë pushimeve”, tha se mbështetja e kësaj kampanje ka për qëllim krijimin e një ambienti të sigurt për të gjithë, duke pasur në mendje se në këtë rrugë të gjithë.
“Mesazhi im për popullin për vizitorët e Kosovës është, mendoni një minutë për sjelljen tuaj në rrugë, tha ai.
Dajana Berisha, drejtoreshë ekzekutive e FIQ-it duke treguar për bashkëpunimin në mes të FIQ-it dhe PK-së në fjalën e saj tha se siguria në komunitet është shumë e rëndësishme dhe është edhe fokus të punës së organizatës së tyre.
Fushata do të zgjasë gjatë sezonit veror dhe fletushkat do të shpërndahen nëpër të gjitha pikëkalimet kufitare.
