Presidenti Aleksandar Vuçiq i ka dërguar telegram urimi presidentit amerikan me rastin Ditës së Pavarësisë - 4 korrikut ku ndër tjera thuhet “Shfrytëzoj rastin të ju falënderoj për mbështetje që na keni dhen në përpjekjet e promovimit të paqes dhe stabilitetit në Ballkanin perëndimor dhe në angazhimin për gjetjen e zgjidhjes së kompromisit në kuadër të dialogut me Prishtinën” – thuhet ndër tjera në letër, shkruan “Telegraf”. përcjell “Bota Sot”.
Vuçiq në telegramin e urimit drejtuar Tramp e ka ftuar që të vizitoj Serbinë dhe i ka kërkuar ,mbështetjen në gjetjen e zgjidhjes së përhershme për Kosovën.
Në urim thuhet:
- Ekselencë, i nderuari president,
Pranoni urimet e mia të sinqerta me rastin e Ditës së pavarësisë së ShBA-ve – festës kombëtare me dëshirat më të mira për përparim të vendit tuaj dhje mirëqenies të qytetarëve të saj.
Çdo 4 korrik qytetarët amerikanë festojnë vlerat universale të shkruara në Deklaratën e Pavarësisë të miratuar 243 vjet më parë. Ato siç keni thënë edhe ju janë vlera kyçe që e përbëjnë kombin amerikan forca e të cilin inspiron dhe jep shpresë, po ashtu janë me rëndësi për të gjithë ata që synojnë lirinë, barazinë dhe prosperitetin.
Në të kaluarën kemi shënuar jubile nga historia e përbashkët, duke përkujtuar aleancën tonë në momentet e mëdha historike. Në kohën e Luftës së parë Botërore presidenti amerikan Vilson ka thënë se “ parimet për të cilat Serbia ka luftuar dhe për të cilat ka vuajtur në atë luftë janë identike me ato me të cilat angazhohet ShBA “.
Jam i bindur se kemi mundësi që raportet mes vendeve tona përmes dialogut politik dhe forcimit ekonomik dhe bashkëpunimit në përgjithësi të kthejmë në nivelin e partneritetit që kanë qenë dhe që duhet të jenë. Shpresoj se dëshira për lidhje më të forta dhe më të pasura mes amerikanëve edhe serbëve të jetë e dyanshme dhe në të ardhmen të na përkujtojnë në atë që na lidh si vende.
