Me padurim e pritëm
Ditën më të madhe
Burrat ngjanin si petrita
Femrat sikur sorkadhe
Zonja e shtëpisë e para
Fjalën edhe e mori
Autoritetin e të parës
Shumë bukur e përdori
Buzëqeshur u deklarua
Shtëpia e re po rritet
Në fund nuk munguan
Së rreshturi duartrokitjet
Pastaj rradha i erdhi
Të parit nga kabineti
Sikur harroi ditën e madhe
Foli çka foli, vetëm për veti
Ata që ishin ulur skajave
Shpejt ju kërcejë kandari
Filluan zhurmën e madhe
Prej të fundit deri te i pari
Shpejt e shpejt e kuptuan
Sot nga po fryen era
Të gjithë tok përnjëherë
Shpejt u vërsulën kah dera
Për çudi ky përvjetor
U kremtua pa kolorit
Nuk di kush doli fitimtar
Apo kush edhe u korit
17.02.22