Me bukë, kripë e zemër
Në gjirin tënd u rritëm
E kurrë s’u gjunjëzuam
As kurrë s’u nënshtruam
Para rrebesheve e furtunës
Para maltretimeve e dhunës
Për ty u betuam përjetë
Me plagë në toninshtat
Me dhembje varg e varg
Besa besë përherë për Ty
Sepse je Jona dashuri
Pushtuesit erdhën e ikën
Ta ngulën heshtën e thikën
Të dërrmuan e t’drobitën
E plagët ende s’t’u përthanë
Me gjak tëndin shpesh t’u lanë
Në ty u bënë kërdi e ploje
Se dritë dielli ti kërkoje
Se drejtsinë lirinë gjakoje
Sa gjakun derdhe për liri
Kosovë, e lashta DARDANI
E bukur je ti ZEMRA E ATDHEUT
Ti fole e SHQIPEVE ME DY KRERË
E ne pa ty s’mundemi t’rrojmë dot
Si dikur, si dje, as sot e as mot
Ty të kemi NËNË,
Kosovë denbabaden
Për ty s’mjaftojnë këngët
As vargjet që them
Ti Kosovë kreshnike
Je më e bukura e dheut
Dashuri mbi dashuritë-
ZEMRA E ATDHEUT
