Javë e shqiptarëve në elitën e futbollit zviceran. Armando Sadiku, Ezgjan Alioski shënuan për Luganon, e cila si vendas barazoi me kampionin Baseli, në kuadër të javës së 31-të. Taulant Xhaka në anën tjetër asistoi për kampionin, kurse Sadiku u përjashtua nga loja pas dy të verdhëve në minutën e 81-të.
Në minutën e 12-të, Fransson shënoi pas asistimit ë Xhakës për epërsinë e Baselit, 0:1. Në minutën e 54-të, Zuffi dyfishoi epërsinë, kurse Alioski ka qenë i pagabueshëm nga penalltia në minutën e 60-të, ndërsa Sadiku barazoi (2:2) në atë të 80-tën. Shqiptarët luajtën standardë, përveç Xhaka i cili u zëvendësua në minutën e 82-të. Baseli veç ka siguruar titullin, mban vendin e parë me 78 pikë, kurse Lugano është në vend të katërt me 44 sosh.
