Romelu Lukaku dëshiron të qëndrojë me Romën dhe klubi dëshiron ta mbajë sulmuesin, por duhet të plotësohen dy kushte për të lehtësuar marrëveshjen me Chelsean.
Sulmuesi belg 30-vjeçar ka qenë një nga lojtarët e paktë të “Giallorossve” që nuk ka përfituar drejtpërdrejt nga kalimi nga Jose Mourinho te Daniele De Rossi, duke shnuar vetëm tre gola në Serie A dhe Europa League që nga emërimi i italianit n krye t skuadrs romake.
Pavarësisht rënies së tij në formë, Lukaku është ende i etur për të ecur përpara me Romën për sezonin e ardhshëm, pasi ka shijuar kohën e tij në kryeqytetin italian. Kontrata e tij me Chelsean skadon në vitin 2026, por ai nuk ka ndërmend të veshë fanellën e “Bluve”.
“Gazzetta dello Sport” detajon se si Roma nuk e ka humbur besimin te Lukaku dhe beson se sulmuesi belg do të jetë arma kyçe në luftën e tyre me Bolonjan për vendin e katërt. Sapo të përfundojë sezoni, vëmendja do të kthehet te bisedimet me Chelsean.
Janë dy faktorë kyç të nevojshëm që “Giallorosst” të mbajnë 30-vjeçarin; i pari është sigurimi i kualifikimit në Champions League dhe i dyti është se blutë t bien dakord për një marrëveshje të re huazimi.
Roma nuk mund të përballojë blerjen e drejtpërdrejtë të Lukakut nga Chelsea pasi një transferim përfundimtar do të kushtonte të paktën 43 milionë euro dhe një kontratë trevjeçare me 7.5 milionë euro neto në sezon do të shihte që kostot totale të rriteshin në mbi 80 milionë euro në total.
