Thashetheme të bujshme për të ardhmen e Antonio Contes nga Spanja.
Sipas asaj që raporton portali “Sport”, trajneri italian i është vetofruar Barcelonës dhe klubi blaugrana po bën të gjitha vlerësimet e nevojshme.
Po flasim për vlerësime ekonomike, teknike dhe karakteriale.
Në kërkim të trajnerit të ri, pasi Xavi shpalli lamtumirën (do ta materializojë në fund të sezonit), për më tepër, katalanasit do të ndiqnin rrugë të ndryshme për të gjetur njeriun e duhur.
Ish-trajneri i kombëtares së Italisë nuk qëndron pikërisht në krye të listës së dëshirave. Në detaje, sipas mediave iberike, objektivi numër një i Barçës për stolin do të ishte në fakt Jurgen Klopp.
