Një lajm i bujshëm vjen nga Franca.
Gazetari i “Foot Mercato”, Santi Aouna, mëson ekskluzivisht, se ylli i PSG-së, Kilian Mbappe ka arritur më në fund akordin me Realin dhe do t’i bashkohet skuadrës madrilene sezonin e ardhshëm.
Telenovela në lidhje me të ardhmen e Mbape ka nisur që prej gushtit të vitit 2017, teksa sipas gazetarit francez akordi është arritur në parim dhe gjithçka do të finalizohet sezonin e ardhshëm.
Bëhet me dije se marrëveshja paraprake për transferimin e Mbappe drejt Madridit është arritur ditët e fundit.
