Fatih Terim e ka nisur me fitore aventurën e tij të re te Panathinajkosi.
Trajneri legjendar turk zgjodhi të largohej për një përvojë të re në Europë që pas periudhës së tij te Milani 20 vite më parë.
Skuadra nga Athina mposhti Janinën me shifrat 2-0 ditën e djeshme nën drejtimin e Terimit, që solli befasi në pankinë.
Trajneri turk kishte bërë pjesë të ekipit edhe talentin shqiptar, Elton Fikajn.
Ky i fundit është vetëm 18 vjeç dhe luan në rolin e mbrojtësit të majtë, pozicion në të cilin do të konkurojë Mitajn në të ardhmen në Kombëtaren shqiptare.
Djaloshi shkodran shihet si një talent i madh te Panathinajkosi dhe sipas raportimeve nga vendi fqinj, ka rënë në sytë e Fatih Terimit. Ikona e futbollit turk ka spikatur Fikajn për cilësitë e tij dhe pritet ta mbajë në ekipin e parë të Panathinajkosit.
