Duka nderohet me çmimin për arritje në UEFA dhe futbollin kombëtar!
Federata e Futbollit e Kosovës vlerëson personalitetet të cilat me punën e tyre kanë çuar futbollin kombëtar në një tjetër nivel.
Andaj në shenjë respekti, FFK ka ndarë disa çmime të veçanta në manifestimin “Laureatët e Vitit”.
Presidenti i FSHF-së, Armand Duka është nderuar me çmimin për arritje në UEFA dhe futbollin kombëtar. I pari i shtëpisë së futbollit në Shqipëri, këtë vit është zgjedhur zëvendëspresident i UEFA-s, derisa me kombëtaren e Shqipërisë ka arritur kualifikimin në Kampionatin Evropian “Gjermania 2024”. Çmimin për z. Duka e ka ndarë presidenti Agim Ademi bashkë me presidentin e FFM-së, Muamed Sejdini.
