Ballkani i Therandës në tre ndeshjet e fundit nuk ka shijuar fitore në elitën e futbollit të Kosovës.
Pas humbjes me rezultat 5:3 nga Llapi me 9 dhjetor dhe barazimit 0:0 me Prishtinën (17 dhjetor), sot ka pësuar humbje në ndeshjen e mbetur të javës së tretë, me rezultat 2:1 nga Drita në Gjilan.
Tre gola u shënuan në pjesën e parë.
Ballkani ka avancuar por nuk i mjaftoi për rezultat pozitiv.
Bajram Jashanica shënoi në minutën e 7-të për Ballkanin dhe futbollisti Blend Baftiu në atë të 29-tën ka barazuar (1:1).
Në minutën e 44-të, Blerim Krasniqi realizoi për fitoren 2:1 të Dritës.
Ballkani kryeson me 39 pikë (një ndeshje më pak) duke lënë pas Llapin me 34 e Dritën me 34 sosh.
Me 24 dhjetor Ballkani do të luajë ndeshje tjetër të mbetur (13.00) në Gjilan ku ndeshet me Gjilanin.
