Trajneri i Gironas, Michel këmbëngul se ai nuk ka shpresa për të pasuar Pep Guardiolan në drejtim të Manchester City.
Me Girona pjesë e rrjetit të City Football Group, Michel është përmendur si një zëvendësues eventual i Guardiolas.
Ai tha për Marca: “Nuk e di… Është çmenduri të mendoj këtë tani, më pëlqen të jetoj shumë nga dita në ditë. Ajo që besoj është se, tani jemi në një moment shumë të bukur me Gironan, po bëjmë histori. Dëgjoj gjithçka. Për të mirë apo për të keq, unë jam shumë autokritik.
“Më pëlqen të shoh vlerësimin që ata bëjnë për ekipin tim dhe punën time në vende të tjera, sepse nuk mund të përqendrohesh vetëm te puna jote dhe duhet të shohësh se si e ekspozon veten ndaj botës së jashtme. Natyrisht unë e di se kush jep kritika konstruktive dhe kush jep kritika shkatërruese.
“Nëse filloj të lexoj mesazhet në rrjetet sociale, atëherë po humbas kohën sepse do të ketë njerëz që do të komentojnë vetëm për të shkaktuar dëm dhe kjo mund të shkaktojë stres. Por unë dëgjoj, lexoj dhe flas me njerëzit dhe shoh se çfarë më transmetojnë mua.
Sot po shijoj momentin, e ardhmja do të shihet.
“Lumturia që kemi këtu është shumë e rëndësishme dhe po na shtyn të bëjmë histori.
Nuk do të thotë se je pjesë e City Group, atëherë do të jesh edhe trajner i Cityt. Ëndrra ime është që ne mund të bëjmë histori me Gironan dhe ne po e arrijmë këtë".
