Girona arriti fitore të rëndësishme ndaj Barcelonës të dielën në mbrëmje, me rezultatin 2-4, duke u bërë lidere në La Liga.
Ekipi nga Katalunia pas 16 ndeshjeve të zhvilluara, ka 13 fitore, 2 barazime dhe vetëm 1 humbje.
Ka sulmin më të mirë në ligë, me 38 gola të shënuara dhe ka 20 të pranuara, duke pasur gol-dallimin 18, që është në mesin e tre më të mirëve në elitën e futbollit spanjoll këtë sezon.
Girona nën udhëheqjen e trajnerit Miguel Angel Sanchez Munoz, i njohur me emrin Michel, humbjen e vetme këtë kampionat deri më tani e ka nga Real Madrid 0-3, në fund të muajit shtator.
