Mbrëmjen e së premtes, “Bardhezinjtë” e Juventus do të presin në “Allianz Stadium”, kampionët në fuqi të Italisë, Napolin-n, në përballjen, që konsiderohet, si më e bukura e javës së 15-të të Serie A dhe objektivi i vetëm i “Zonjës së Vjetër” është të mos përsërisë disfatën 5:1, të sezonit të kaluar në mitikun napoletan, “Diego Aramando Maradona”.
Të njëjtën gjë e ka konfirmuar edhe teknikut, Massimiliano Allegri, i cili në konferencën për shtyp në virgjilje të sfidës është shprehur se pavarësisht vështirësisë së sfidës, ndaj “Bluve” kampionë, sërish lojtarët do të bëjnë maksimumin në fushën e blertë, teksa theksoi se përveç anësorit, Timothy Ëeah skuadra është e plotë për këtë përballje.
“Nga sezoni i kaluar Napoli-t i mungon vetëm Kim, megjithatë ajo ndeshje 5-1 nuk do të përsëritet më. Çdo përballje ka specifikat e veta. E dimë që do të jetë e vështirë dhe jemi përgatitur për ta përballuar në mënyrën më të mirë të mundshme.
Të gjithë lojtarët, përveç Ëeah, janë rikuperuar dhe janë gati të luajnë nga fillimi”,- tha fillimisht tekniku italian.
Më tej, gjatë konferencës, Allegri zbuloi edhe objektivin e “Zonjës së Vjetër”, për fazën e parë të sezonit, teksa shtoi se kërkon thjesht të përmirësohet në krahasim me vitin e shkuar, duke mos patur aspak prioritet shpalljen “kampion të dimirit”.
“Objektivi ynë është të bëjmë më shumë pikë se një sezon më parë. Vitin e kaluar e mbyllëm fazën e parë me 38 pikë, ndërsa tani kemi marrë 33. Kemi edhe 5 ndeshje, dy prej të cilave ndaj Napoli e Roma në ‘shtëpi’, por edhe tre transferta të vështira. Duhet të kalojmë shifrën 38 pikë për të thënë që jemi përmirësuar krahasuar me një vit më parë”,- u shpreh 56-vjeçari i pankinës.
