Milot Rashica e ka bërë një postim motivues pas asistimit që e bëri në fitoren e djeshme të Besiktasit me rezultat 2:0 ndaj Gaziantep FK.
Ylli ynë e shërbeu për mrekulli bashkëlojtarin Cenk Tosun, i cili shënoi me kokë në minutën e 75-të, ndërsa paraprakisht i njëjti lojtar e kishte shënuar edhe golin e parë të Bardhezinjve në minutën e 63-të me asistim të Alex Oxlade-Chamberlain.
Vushtrriasi e bëri një postim pas lojës duke e shprehur gëzimin që ekipi nga Stambolli i mori tri pikë në këtë takim, ndërsa shpreson që ai me shokë të vazhdojnë në këtë mënyrë edhe në ndeshjet e ardhshme.
“U rikthyem në rrugët e fitoreve.
Tash duhet të vazhdojmë kështu”, shkroi ish-futbollisti i Werder Bremenit, Norwich Cityt e Galatasarayt në Instagram.
