Ballkani ka shënuar një fitore tejet të rëndësishme sonte.
Kampioni i Kosovës në stadiumin “Fadil Vokrri” triumfoi pastër 2:0 ndaj favoritit të grupit, Dinamo Zagrebit.
Pas ndeshjes, golashënuesi i parë, Almir Kryeziu u shpreh se ky është momenti më i rëndësishëm në karrierën e tij.
“E kemi analizuar shumë mirë ndeshjen dhe të gjithë e kemi dhënë 100%. Besoj që e kemi merituar fitoren sonte. Ky ishte momenti më i rëndësishëm në karrierën time.
Normalisht që rriten ambiciet tona për me kalu grupin, edhe pse do të jetë shumë vështirë”, u shpreh Kryeziu.
